VC Coidados

Atención domiciliaria · Caldas de Reis

Coidamos de quen máis importa, na súa propia casa.

Atención a persoas maiores, dependentes ou con discapacidade, cun plan feito á medida de cada persoa e da súa familia.

Primeira visita ao domicilio gratuíta e sen compromiso

Servizos

Axuda no día a día, na casa

Persoal cualificado e con experiencia en residencias de maiores que acompaña e apoia a persoas maiores, dependentes ou con discapacidade física, intelectual ou sensorial, respectando os seus costumes e o seu contorno familiar.

  • Acompañamento

    Compañía na casa e nos paseos, conversa e supervisión para que ninguén pase o día só.

  • Hixiene e aseo persoal

    Ducha, aseo na cama e coidado persoal, con respecto á intimidade de cada persoa.

  • Actividades da vida diaria

    Levantarse, vestirse, as comidas e as pequenas tarefas de cada día.

  • Mobilizacións

    Axuda para erguerse, cambiar de postura e moverse pola casa con seguridade.

  • Citas médicas e xestións

    Acompañamento ao centro de saúde, ao hospital ou a facer recados.

  • Recordatorio da medicación

    Lembramos e supervisamos que se tome a medicación pautada polo seu médico.

Modalidades Horas soltas Semanal, de luns a venres Mensual Fins de semana e festivos

Como traballamos

Da primeira chamada ao primeiro día de servizo

  1. Visita inicial gratuíta

    Imos á casa para coñecer á persoa, o que necesita e como é a vivenda.

  2. Presuposto

    Dámosche un presuposto claro, válido durante 30 días, sen compromiso.

  3. Plan de atención

    Acordamos coa persoa e a súa familia un plan individualizado: tarefas, horarios e obxectivos.

  4. Contrato e comezo

    Asinamos o contrato co importe definitivo e empezamos o servizo.

Quen somos

Unha empresa de Caldas de Reis

VC Coidados naceu en 2026 en Caldas de Reis para ofrecer atención domiciliaria próxima, humana e profesional. Cremos que a maioría das persoas queren seguir na súa casa, coas súas cousas e a súa xente, e traballamos para que poidan facelo con seguridade.

Somos persoal cualificado, cunha ampla experiencia en residencias de maiores e numerosa formación complementaria, feita en cursos especializados durante o noso traballo nelas. Levamos ese oficio á casa de cada persoa usuaria, adaptándonos ao seu ritmo, aos seus costumes e ao que a familia necesita.

Coidar é moito máis ca asistir: é acompañar, escoitar e estar presentes cando máis se necesita.

Contacto

Cóntanos que necesitas

Respondémosche dentro do horario de atención: de luns a venres de 9:00 a 19:00 e sábados de 9:00 a 14:00.

Teléfono e WhatsApp

683 39 43 98 684 40 05 64

Correo electrónico

contacto@vccoidados.es

Oficina

Av. Pedro Mateo Sagasta, 17 bj

36650 Caldas de Reis (Pontevedra)

Ver no mapa

Zona de atención

  • Caldas de Reis
  • Vilagarcía de Arousa
  • Portas
  • Cuntis
  • Moraña
  • Barro
  • Meis
  • A Estrada
  • Campo Lameiro
  • Valga

Vives noutro concello próximo? Pregúntanos e dicímosche se podemos chegar.